أهلا وسهلا للفنكوش

أيام ماكنت ف مدرستى

كان عندى واد طالب صايع

قليل أدب أهله مربوش

لما أشتكيته لرائد الفصل

ماسمعش اى كلام منى

حتى ماعتبوش

أخدتنى عزة نفسى لفوق

وحلفت انى أخد حقى

من غير أذنه

وأنى ما أسيبهوش

خليتة نازل من فصله

ساعة الفسحة

وأديته علقة ماخدهاش

حمار ف مطلع ومحمل

عل ضهره ملح من المجروش

هددنى وبكل بجاحة

بعد العلقة

انه يجيب خالته وعمه

أو انه يستأجر ليه

فتوة له بشلة وخربوش

مهمنيش من تهديده

لو عنده أهل صحيح يأنوه

ماكنش يبقى جلنف ملوش

غير لسان مسموم وقبيح

وبلطجية علشان تحميه

ملهمش غير عضلات وكروش

ولأنى صاحب حق أكيد

وهو خيبته كما الويبه

كل مابيدخل فى الفصل

أسمع زعيق صوت أستاذه

ويخرج مكروش

وشهادته مليانة دواير

وكحك م النوع المنقوش

عدى الخميس ومعاه جمعة

وعرفت ف اليوم التالى

انه فى يوم عيد

ودا شىء أكيد أسعد قلبى

أنى ماشفهوش

لكنه خيب ظنى الوغد

وع المنصة وراح واقف

ومسكه جناب الناظر

حبل العلم والجندارى

وبص ليه بوجه بشوش

طلع العلم فوق بيرفرف

علم غريب بخطوط ونقوش

شاور عليه وقال حيى

هذا العلم يابن الحرفوش

فردت ايدى على جبينى

وقلت بالصوت العالى

يحيا العلم ..  يحيا الفنكوش

والكل قال خلفى بهمة

أهلا وسهلا سيد بوش
..............................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/05/250494.html