مستنى ردك
لمسة ايديكى زى طلقة نار
دخلت قليبى وقفتلى الكون
زقزق العصفور على الغصن ..
اللى بيميل مع نسمة هوا
قالى يابختك يا مقتول م الغرام
ادينى اهه عشان أوصلها ..
على ريشى لمن أطلق
على قلبى سهام الزيزفون
وقف الكلام ع الرمش
مقدرتش أقول الا تلات كلمات
حبك ف قلبى
كان .. وكن .. سيكون
أرجوك تجيب لى الرد ..
فى جناح الهوا
أنا أبقى أيه ؟
ويبقى أيه قلبى ..
ف ضلوعى يكون
اذا جانى ردك من عيون عبلة
هاركب فرس عنتر
وأفك سجون
وأسوق ليكى الغنايم ..
بس انتى تتمنى
وأجيب لك النوق العصافير ..
من حيرة النعمان
دهب ياقوت وديباج
وجوارى لجلالتك
والباقى م الغلمان
جايلك ف موكب ليل
مانتى القمر وثناه
ونجوم من المرجان
والقلب نبضه حنون
مستنى ردك يانسم الفجر
لو جانى متدارى ف عيون ليلى
ممكن أكون لك قيس
وأعيش مجنون
.............................
.............................
ـ نُشرت هذه القصيدة فى موقع دنيا الرأى رابط :
