قطعنى قطع يامعلم

قطعنى قطع يامعلم

قطعنى قطع يامعلم

ودينى حتى كدا واشنطن

سلام مربع للعربان

سلام مرقع لكلينتون

ومنه حود على مونيكا

تحت العقال هات لى فيونكا

وأوعى تتحرش بيه

لا أرفع عليك يابنى قضية

والتانية ترفعها عليه

أضحك وسخسخ وتسخسخ

قاعدلى كدا لية ومبلم

قطعنى قطع يامعلم

قطعنى كده زى الشيبسى

ياكسوفى منك ياكسوفى

تع خد فلوسى وهات لبسى

علشان أبيعهالك تانى

وبدالها تدينى كرسبى

شبسنى شبس ياكرنشى

عاملى عفريت مابخافشى

هادفع عن الوطن المرعوب

الخوف بقرشى وبكرشى

جنودنا فى الأسطول جايين

من المحيط فى الأمريكتين

يلا بقى نحكى ونقول

لما طلع لنا راس الغول

حررنا شيك على بير بترول

ماكفهوش جابلى عياله

عزومة ع الشيخ أبو دلدول

أهلا وسهلا يامريكا

الأمر كان من أمريكا

مين اللى قال لأسترليكا

الأتحاد أصبح روسيا

والبان وشيشان

وروسيا دخلت فى روسيكا

وخليجنا أخد الجنسية

وكارت أخضر أقاميكا

تحيا بلاد الشيكا بيكا

أخرس وناوى بقى أتكلم

قطعنى قطع يامعلم
...........................

ـ نُشرت هذه القصيدة فى موقع دنيا الرأى رابط :

http://pulpit.alwatanvoice.com/articles/2012/02/05/250503.html