لما أخدتك
أنا عايز حبك مش أكتر
يكفينى بأنك خليتى
حنانك ريشه
وأنا ألوانى
حروف لكلامك
ونكمل مع بعض المنظر
ناعم ورومانسى
وبيقاوم أعاصير الكون
وبتبقى رياح الدنيا سكون
لكن ونسيمك قدامى
مقدرش عليه وأنا بتكسر
باحلم بيكى ووعدتنى
بالنهر وبالوادى الأخضر
وجمالك سبحان الخالق
أعطاكى وأبدع ف المنظر
شعرك خلاه من ضوء الشمس
وصمت الليل ويا سكونه
أصفر وأحمر وأخضر وأسمر
وخدودك ورد ملوهش مثيل
وشفايفك من نبع النيل
وعيونك واسعة وكحيلة
قدامها الكون كله بيصغر
كرمك من كرمك ..وجواهر
منبعها من حسن الجوهر
الماظ وزمرد ولألىء
مصبوبة فى كاس شفاف مرمر
صليت وقريت لما أخدتك
سورة الكوثر
...............................
...............................
ـ نُشرت هذه القصيدة فى موقع دنيا الرأى رابط :
