راعى البقر يرعى البشر
قيس بن الملوح لم يلوح
للذين تربصوا
لخيام بنت العامرى
كان قصده ينده للطبيب
لأن ليلى بالعراق مريضة
ودوائها عند الذى
سيان تكونى يا إمرأه
كل النسا حلوين ظراف
لمن رأى
علشان كدا
ترك الديار وأهله
للذئب يرعى فى الغنم
ليلى بتصرخ م الألم
سمعها سارى عنترة
نده بأعلى ما فيه
جايلك ياعبله ياعبلتى
قالت له ليلى .. قالها
لازم أدافع عن شرف..
كل القبائل أجمعين
لأنهم بيدفعولى مرتبى ..
على داير المليم
وانا محترف حروب دمار
وقريضى من شعر الفخار
مظهر يدل على الفلاز
وفى لحظة يبقى من الفخار
ولأن أمر عبدة وزبيبة
للوغد شداد الذى ..
لم يعترف ببنوتى
لأنى عبد أسود أبق
لكن لبق ياعبلتى
قالتله ليلى
قالها ياليلتى
انا ليلى للقيس الذى
مش ليك ياسارى عنترة
انا ليلى للقيس الذى
لوح لهذا الدون جوان
سمح لهذا الدون جبان
إنه يعود زى البسوس
والداحس الغبراء هنا
جوا نفوسنا ياعنترة
وانت مازلت عبيط غبى
شايل سيوف فشخرة
مرة تروح علشان تجيب
شقائق النعمان هبه
والنوق العصافير كانت ..
كعملة مزورة
يكفى المخنس والمدنس هيبة
انه بيحمى عرضكم من بعضكم
وانتوا بيكفيكوا الشواطىء والعراه
والدهب جوا مغارة على بابا
ومرجانة
شاربة عرق تمر العراق ونشوانة
والأربعين حرامى مع شيخ المنصر
بيكلوا جوا الجبخانة
أيه رأيكم بالعلكة تعملوا بلونة
وتفرقعوا فراقيع فراقيع
علشان تغطوا
على صويتها وهى بتصرخ
بالمصرى اندغوا فى لبانة
..............................
..............................
ـ راعى البقر يرعى البشر نُشرت فى موقع دنيا الرأى رابط
